ракета отыны

(Ракетное топливо)

жану кезінде көп мөлшерде жылу мен газ бөле алатын химиялық заттардың жиынтығы. Бұл газ бен жылу ракета қозғалтқыштарында реактивті күш тудыруға қажетті энергия көзі ретінде қолданылады. Ракета отыны екі құрамды немесе бір құрамды болады. Екі құрамды Р.о-нда бір мезгілде жанармай да, қышқылдандырғыш та бірге болады. Р.о. қатты, сұйық, аралас болуы мүмкін. Қатты Р.о. бір құрамды болады, өздігінен жанбайды, не химиялық қосылыстардан тұрады, не жанармай мен бұл отын қатты отынды ракета қозғалтқыштарында қолданылады. Қатты отын ретінде құрамында жануға қажетті оттегі бар дәрілер кең қолданылады. Дәрілі ракеталық қозғалтқыштар дер кезінде жабдықтала алады және ұзақ уақыт бойы ұрысқа қабілеттілігін сақтай алады. Қатты Р.о-н жетілдіру нәтижесінде, қазір оны жеңіл металдар ұнтағының жандырғыш бөлігі ретінде қолданады. Сұйық Р.о. сұйыққа негізделген ракета қозғалтқыштарында қолданылады және әдетте екі құрамнан: жанармай мен қышқылдандырғыштан тұрады. Аралас Р.о. отынның сұйық және қатты бөлігінің бірлігінен тұрады. Кез келген Р.о-ның ең маңызды көрсеткіштері 1 кг зат жанған кезде бөлінетін энергия санына, яғни жылу шығаруға қабілеттілігі болып саналады.